In merito all’azione antifascista al Parco delle Rimembranze

Lu Fronte Indipendentista Unidu torrà a signalà lu pròpriu appogghju a l’azioni antifascista di la sirintina di luni, dì 7 di capidannu, ulganizzata illu Parco delle Rimembranze di Tèmpiu da Atzione Antifascista Nord Saldigna. L’azioni ha vistu la palticipazioni di umbè di cioani antifascisti timpiesi e gaddhuresi, cuntrariati da lu schilévriu di orìgini neofascista di lu parco, locu centrali di la ‘ita di la citai, in palticulari di li più cioani, e locu d’arreu pa visitadori da tuttu lu mundu.

Lu Fronte Indipendentista Unidu ha subitu nuttatu l’infami attu e aspittatu, a boitu, un intilventu di lu manegghju Biancareddu, in palticulari di lu delegatu a lu Dicoru ulbanu, Giuseppe Usai. Illa mattessi manera, aemu aspittatu una presa di pusizioni civica e pulitica, puru chista a boitu, innant’ a la sustanzia fascista di lu dannu cuzzu di ‘alori chi ghjabbani la tranchillitai e la paci di la comunitai timpiesa e di tutta la Nazioni salda. Malchemu l’inattivitai di lu manegghju comunali ill’ultimi chiti e aggradimu l’azioni di li cioani antifascisti saldi, duppiamenti oppultuna figghjulendi l’annu scolasticu chi cumenciarà da chinci a pocu. Continua la lettura di Tempio. Il FIU sull’azione antifascista Parco delle Rimembranze →