Archivi tag: Tavola della Pace

Sassari. Trident Juncture: muimenti contr’a la NATO

manifesto_3 novembre teulada_contro la trident juncture

Sighini in tutta la Saldigna dispùtti e muimenti contr’a l’occupazioni militari e l’enolmi addistramentu NATO, la Trident Juncture chi, sigundu cantu ammunistatu da l’Aeronautica Militari a làmpata, si saria douta abulì pa la palti chi rigaldàa la Saldigna. La Trident Juncture è lu più mannu e dannosu addistramentu NATO da l’abbacata di lu Muru di Berlino a ogghj (33 Stati posti in palti, guasi 40.000 omini impignati e cintinaia di mezi pa ària, mari e tarra). Un prugramma di gherra intratu ogghjmmai illu ‘iu cu la palti a focu da lu 21 di santigaini à la dì di Li Santi chi vidi sempri più malumori ill’ìsulaDumani, malcuri 28 di santigaini, impostu a Sassari da li sei di sirintina a lu centru sòziali di lu cumunu S’idealibera (via Casaggia 12) pa la prisintazioni, irrasgiunata e olganizzazioni di la manifestazioni antimilitarista prummossa da No Basi Né Qui Né Altrove pa la dì tre di Li Santi intundu a lu Poligono di Capo Teulada.

Illi dì chi aspettani Capo Teulada, è priiduta in Casteddu un’alta manifestazioni, chjamata da Tavola Sarda per la Pace pa sàbbatu la dì 31 di santigaini, da li 10:00 di matinata. Paltenzia di lu culdolu da via Sonnino veldi via Roma. Continua la lettura di Sassari. Trident Juncture: muimenti contr’a la NATO